Вистинска драма се случила синоќа во казино во Гостивар, откако татко и син биле физички нападнати од 54-годишен маж, кој според пријавата употребил и метален предмет, како и спреј за очи.
Според информациите од полицискиот билтен, настанот се случил околу 21:00 часот во казино во Гостивар. Шеесетгодишниот И.И. пријавил дека бил нападнат заедно со својот син од страна на М.Р. (54) од Гостивар.
Во пријавата се наведува дека напаѓачот не се задржал само на физички напад, туку употребил и метален предмет, како и спреј за очи, со што дополнително ја влошил ситуацијата.
По пријавувањето на инцидентот, полициски службеници од ОВР Гостивар презеле брза акција и околу 22:00 часот на улицата „Илинденска“ го лишиле од слобода осомничениот.
Тој бил приведен во полициска станица и задржан за понатамошна постапка. По целосното документирање на случајот, против него ќе биде поднесен соодветен поднесок.
Надлежните институции работат на целосно расчистување на сите околности поврзани со инцидентот.
