Сопственик на фирма од кавадаречко бил жртва на измама преку хакирана електронска пошта, при што бил оштетен за 80.000 денари, соопшти Секторот за внатрешни работи Велес.
– Вчера во 09:00 часот, 51-годишен жител од село во кавадаречко, сопственик на правно лице од Кавадарци, пријавил дека преку европска платформа за транспорт бил измамен. Според пријавеното, преку хакиран е-маил добиле инструкции стоката која ја товареле во Германија да се истовари на друга локација, различна од претходно договорената. Стоката била предадена на таа локација, но не стигнала до побарувачот и била противправно присвоена, се наведува во соопштението од СВР Велес.
За настанот бил известен јавен обвинител и се преземаат мерки за расчистување на случајот.
