Додека зимата календарски сè уште не започнала, Македонија веќе неколкупати беше разбудена од вистинска снежна бајка, особено во текот на ноември, кога бројни градови побелеа под обилни врнежи.
Но, најголемото прашање што го мачи сите кои веќе планираат каде ќе ја дочекаат Новата година е – ќе има ли снег?
Почеток на декември: Невообичаено топло и стабилно
Според актуелните прогнози, првите две недели од декември ќе донесат значителна стабилизација на времето.
🌡️ Температурите ќе достигнуваат над 10 степени, а во дел од деновите дури и до 15 степени.
🌦️ Временските услови ќе бидат претежно суви, со ретка и локална дождливост.
Со други зборови – зимска атмосфера нема да почувствуваме барем до средината на месецот.
Втората половина од декември: Се менува сценариото
По 15 декември се очекува пад на температурите и промена на синоптичката слика.Времето ќе стане понестабилно и променливо, што отвора можност за зимски врнежи.
Сепак, метеоролозите предупредуваат дека прогнозите подолги од 10–15 дена треба да се земат со резервa – точноста е ограничена, а времето може брзо да се промени.
Ќе има ли снег за Нова година?
Иако е прерано за детална прогноза, досегашните модели и статистиката даваат интересни податоци.
Според историските записи во Македонија:❄️ 3 од 10 Нови години биле снежни🌧️ 3 дождливи🌫️ 3 суви или магливи
Тоа значи дека шансите секогаш се „на половина“, но вистинската слика ќе се знае околу 20–25 декември, кога прогнозата станува многу порелевантна.
