Рано утрово се случила експлозија во стан во скопската општина Аеродром, откако се запалил бојлерот во тоалетот.
Според информациите од полицискиот билтен, случајот бил пријавен во СВР Скопје во 04:50 часот. Пријавено било дека во стан на подрачјето на Аеродром дошло до опожарување на бојлерот во тоалетот, по што следела и експлозија.
За среќа, во инцидентот нема повредени лица.
На местото на настанот излегле полициски службеници од СВР Скопје, а околностите под кои дошло до пожарот и експлозијата се предмет на постапување.
