ПРВ.мк
Македонија

ГОЛЕМА ПОЛИЦИСКА КОНТРОЛА НА ПАТИШТАТА: 939 проверени возила за шест часа, еве што откри МВР

ГОЛЕМА ПОЛИЦИСКА КОНТРОЛА НА ПАТИШТАТА: 939 проверени возила за шест часа, еве што откри МВР

Министерството за внатрешни работи спроведе засилена сообраќајна акција на територијата на цела Македонија, при што за само шест часа биле контролирани вкупно 939 возила.

Акцијата била реализирана на 13 ноември 2026 година, во периодот од 14:00 до 20:00 часот, со цел откривање и санкционирање на сообраќајните прекршоци и зголемување на безбедноста на патиштата.

Од 939 контролирани возила, 32 биле упатени на технички преглед, а кај 24 од нив била утврдена техничка неисправност.

Во однос на возилата, полицијата констатирала вкупно 44 прекршоци.

Кај возачите биле откриени дополнителни 151 прекршок, од кои најголем дел се однесувале на непрописно паркирање, некористење сигурносен појас и употреба на мобилен телефон за време на управување со возило.

Особено загрижувачки се четирите евидентирани случаи на кривичното дело „безобѕирно управување со моторно возило“, согласно член 297-а од Кривичниот законик.

Дополнително, полициските службеници регистрирале уште 174 прекршоци од друг вид.

За сите констатирани неправилности биле преземени соодветни мерки во согласност со законските прописи.

Од МВР информираат дека ваквите засилени контроли ќе продолжат и во наредниот период.

Министерството апелира до возачите да ги почитуваат сообраќајните правила, задолжително да користат сигурносен појас и да не употребуваат мобилен телефон додека возат.

Целта на контролите е зголемување на сообраќајната дисциплина и намалување на ризиците за сите учесници во сообраќајот.