Дурмиш Белули, газдата на „Дурмо турс“ осуден на 10 години затвор за трагедијата кај Ласкарци, повторно побара одложување на извршувањето на казната. Денеска требаше да се пријави во затворот „Идризово“, но неговото барање е образложено со тврдење дека има закажана операција.
Од Кривичниот суд во Гостивар истакнуваат дека Белули поднел барање во петокот придружено со болнички упат. Судот денеска ќе провери дали наводите се точни и дали постојат соодветни докази за медицинската интервенција.
