Надворешната канцеларија за криминалистички работи Делчево поднесе кривична пријава против поранешниот директор С.С. од Делчево, поради сомневање за „злоупотреба на службената положба и овластување“ и „несовесно работење во службата“.
Според истрагата, тој во периодот од декември 2023 до април 2024 година не ги почитувал одредбите од Колективниот договор за јавниот сектор и Законот за работни односи, при што 76 вработени во ЈКП „Брегалница“ не ги добиле своите законски надоместоци. Вкупната штета за работниците изнесува 266.000 денари, односно по 3.500 денари за секој вработен.
Кривичната пријава е поднесена со цел да се утврдат сите околности и евентуално да се обезбеди обесштетување на оштетените работници.
