Езерото „Младост“ кај Велес повторно ја доби својата препознатлива зелена боја, резултат на цветањето на алгите – природен феномен кој не беше забележан во изминатите две години. Според експертите, ова е јасен знак дека досегашните мерки за еко-обнова и ревитализација даваат резултат, бидејќи нивото на кислород во водата е значително зголемено.
Но, проектот не застанува тука. Вчера беше одобрена втората фаза за чистење на Отовичка река, која ќе се реализира во соработка со Центарот за развој на Вардарскиот плански регион, Министерството за локална самоуправа и Бирото за регионален развој. Јавното претпријатие „Лисиче“ е пред потпишување договор со фирма изведувач за бушотини на две локации, со цел да се обезбеди дотур на свежа вода во езерото.
„Езерото ‘Младост’ е срцето на Велес и со заедничка и посветена работа ќе продолжиме да го враќаме сјајот кој го заслужува,“ напиша градоначалникот Марко Колев на социјалните мрежи.
Жителите на Велес со задоволство го поздравуваат овој напредок, бидејќи езерото не е само природен ресурс, туку и омилено место за рекреација и туризам. Со новите проекти, „Младост“ има потенцијал да стане пример за успешна еко-обнова во Македонија.
