Во скопската населба Горно Нерези вчера попладне избувна пожар кој предизвика паника кај жителите. Според информациите на МВР, двајца турски државјани со привремен престој во Скопје, идентификувани како Џ.К. (50) и А.А. (43), биле лишени од слобода по сомнение дека несакано го предизвикале огнот.
Тие работеле со апарат за заварување на плац во Нерези, кога од искрите се запалила сува трева, а пожарот брзо се проширил надвор од просторот.
Бригадата за противпожарна заштита Скопје веднаш реагирала и го ставила огнот под контрола, со што е спречена поголема катастрофа. За среќа, нема повредени лица.
Од МВР најавуваат дека по целосното документирање на случајот, против осомничените ќе биде поднесена соодветна пријава.
