Од денеска граѓаните привремено нема да можат да ја користат апликацијата и системот „Мој ДДВ“, поради најавени технички активности од страна на Управата за јавни приходи.
Од УЈП информираат дека станува збор за планирана надградба и модернизација на информатичката инфраструктура, чија цел е подобрување на стабилноста, сигурноста и достапноста на услугата.
Како што објаснуваат надлежните, прекинот е поврзан со миграција на системот на нова технолошка платформа, со што се очекува подобрено функционирање во иднина и помал ризик од технички проблеми.
Од институцијата посочуваат дека работите се одвиваат според предвидениот план и дека системот ќе биде повторно достапен веднаш по завршување на техничките активности.
УЈП упати апел за разбирање од граѓаните, нагласувајќи дека оваа интервенција е дел од пошироки напори за унапредување на дигиталните услуги и подобро корисничко искуство.
