Дел од жителите на Горно Лисиче и село Лисиче денеска останаа без вода поради дефект на водоводната мрежа.
Прекинот во водоснабдувањето започнал во 11:00 часот, а ги опфаќа корисниците од дел од улицата „Ѓорги Капчев“ во Горно Лисиче, како и корисници во село Лисиче.
Причината е уличен дефект на водоводната мрежа на улицата „Ѓорги Капчев“, информираат од ЈП „Водовод и канализација“ – Скопје.
Засега не е наведено точно во колку часот ќе биде нормализирано водоснабдувањето.
Од претпријатието информираат дека водата ќе биде пуштена по целосното завршување на интервенцијата и отстранувањето на дефектот.
