На патниот правец Гостивар – Стража денеска се случил инцидент во кој учествувал товарен камион, кој од засега непознати причини изгубил контрола и излетал од коловозот.
Според првичните информации, возилото се извртело и останало на патот, што предизвикало отежнато одвивање на сообраќајот на оваа фреквентна делница.
На местото на настанот се очекува интервенција на надлежните служби за расчистување на теренот и нормализирање на сообраќајниот проток. Воедно ќе се работи и на утврдување на причините што довеле до инцидентот.
Возачите кои патуваат на овој правец се повикуваат на зголемена внимателност и прилагодување на брзината поради можни застои и отежнати услови за возење.
