Платите на лекарите во Германија често се тема на интерес, а еден специјализант откри како изгледа неговата месечна заработка и колкаво влијание имаат дежурствата врз конечната плата.
Според неговото објаснување, основната месечна бруто-плата на лекар специјализант изнесува околу 6.300 евра, но конечниот износ значително се зголемува благодарение на ноќните, викенд и празничните дежурства.
Тој вели дека токму дежурствата претставуваат важен дел од месечните примања, па во зависност од нивниот број, лекарите можат да заработат неколку илјади евра повеќе од основната плата.
Покрај повисоката заработка, специјализантот посочува дека работата носи и голема одговорност, долги работни часови и чести дежурства, особено во текот на специјализацијата.
Германија веќе подолго време се соочува со недостиг од медицински кадар, поради што нуди конкурентни услови за работа и плати за домашните и странските лекари.
Според лекарот, висината на месечните примања зависи од повеќе фактори, меѓу кои се работното искуство, болницата во која работи, колективниот договор и бројот на одработени дежурства, па конечната заработка може значително да варира од месец во месец.
