21-годишен маж од Штип ќе одговара кривично откако лани во ноември физички ја нападнал својата 23-годишна бивша сопруга и со помош на друго лице ја одзел нивната малолетна ќерка.
Според информациите од полицискиот билтен, СВР Штип поднело кривична пријава против Е.Д. (21) од Штип за сторено кривично дело „телесна повреда“ и „одземање на дете“.
На 17 ноември 2025 година, во Штип, пријавениот, заедно со уште две лица, физички ја нападнал својата поранешна сопруга, а потоа со помош на едно од лицата ја одзел нивната малолетна ќерка.
Случајот е во постапка и против сторителот ќе следи соодветна кривична одговорност.
