Попладнево околу 13:35 часот, земјотрес со јачина од 2,9 степени по Рихтер ја погоди југоисточна Македонија, со епицентар во реонот на Валандово, на околу 123 километри од Скопје.
Потресот бил почувствуван и во Струмица и околните населби, предизвикувајќи вознемиреност меѓу граѓаните, но нема информации за материјални штети или повредени. Според Европската макросеизмичка скала, земјотресот имал интензитет од три степени.
