Од полноќ стапуваат во сила новите цени на горивата, а најголемата промена е кај дизелот, кој поевтинува за 4,5 денари за литар.
ЕУРОСУПЕР БС-95 и ЕУРОСУПЕР БС-98 поскапуваат за по еден денар. Новата цена на ЕУРОСУПЕР БС-95 ќе изнесува 100 денари за литар, додека ЕУРОСУПЕР БС-98 ќе се продава по 102 денари.
Дизел горивото од полноќ ќе чини 100 денари за литар.
Екстра лесното масло за домаќинство поевтинува за три денари и ќе се продава по цена од 111,50 денари за литар, додека мазутот ќе чини 49,882 денари за килограм.
Според Регулаторната комисија за енергетика, со новата пресметка малопродажните цени на нафтените деривати во просек се намалуваат за 1,06 проценти во однос на претходната пресметка.
Клучно влијание врз намалувањето на цената на дизелот имало поевтинувањето на светските берзи, како и продолжувањето на повластената стапка на ДДВ и намалената акциза.
