Во раните утрински часови во Македонија времето се разведрува, а со засилување на северен ветер температурите нагло опаѓаат дури за околу 15 степени во однос на претходните денови.
Според метеопрогнозерот Славчо Попоски, на многу места утрово температурите се спуштија близу 10 степени, а во повисоките западни планини дури и под 10 степени.
Денеска ќе дува засилен до силен северен ветер, особено во Повардарието, каде ќе достигнува и над 60 км/ч. Во Скопскиот регион, исто така, ќе има повремени силни ветрови од север со слична брзина.
Максималните дневни температури ќе бидат помеѓу 23 и 30 степени, во Скопје до околу 28 степени.
Според Европскиот модел (ECMWF), следната седмица се очекуваат дождови, а шансите за екстремно топли бранови значително се намалуваат.
„Следната недела конечно ќе имаме врнежи, а топлите бранови се веќе во минатото,“ истакнува Попоски.
Оваа промена носи свежина и олеснување од високите температури кои доминираа во претходниот период.
