Во здравствена установа во Велес се случил вистински кошмар – 31-годишниот М.П. ја заклучил својата колешка во канцеларија, ја нападнал, и со средство за чистење ѝ испрскал во очите. Инцидентот го потресе персоналот и пациентите кои биле во установата во моментот на нападот.
Според информациите од МВР, напаѓачот кршел предмети, упатувал закани со остар предмет и физички ја нападнал 55-годишната жена. Таа успеала да пријави во полиција, по што напаѓачот бил веднаш приведен и задржан во станица.
Јавен обвинител е известен за случајот, а против М.П. ќе биде поднесена кривична пријава. Настанот предизвика шок и вознемиреност во целата установа – вработените велат дека вакво нешто досега не се случило.
