Две лица се лишени од слобода во одделни полициски акции спроведени во Гостивар и гостиварско, откако при претреси биле пронајдени наркотични материи.
Во првиот случај, на 10 април, полициски службеници од ОВР Гостивар го привеле 38-годишниот М.С. во Гостивар. При претрес во неговиот дом и во угостителски објект, извршен со судска наредба, биле пронајдени и одземени повеќе пакувања со марихуана и бела прашкаста материја. Според информациите, марихуана била откриена и во локалот.
Во вториот случај, на 11 април околу 02:00 часот, полициски службеници од Полициското одделение Чегране го лишиле од слобода 57-годишниот У.И. од селото Форино. При претрес во неговиот дом, исто така со судска наредба, биле пронајдени бела прашкаста и бела грутчеста материја.
Двајцата осомничени се задржани во полициска станица, а по целосно расчистување и документирање на случаите, против нив ќе следуваат соодветни пријави.
Овие акции се дел од засилените активности на полицијата за откривање и сузбивање на недозволена трговија со дрога на подрачјето на Гостивар и околината.
