Од утре, 1.388 пензионери од општина Кисела Вода со ниски приходи ќе добијат еднократна помош од 2.500 денари директно на нивните сметки. Вкупно 3.200 пензионери се опфатени со оваа мерка, а наредните денови ќе бидат исплатени и останатите 1.800 пензионери.
Помошта е наменета за лица кои примаат старосна, инвалидска, семејна или социјална пензија и имаат месечни примања под 22.640 денари. Општината истакна дека освен парите, ќе биде покриен и персоналниот данок.
Градоначалникот Орце Ѓорѓиевски рече дека оваа мерка е начин на почит кон постарите сограѓани и нивниот придонес кон општеството.
