Најновото истражување „Балкански барометар 2025“ на Советот за регионална соработка (РЦЦ) открива дека еден од секои четворица граѓани на Македонија (25%) верува дека Европската Унија никогаш нема да им се отвори на земјата. Истражувањето открива голем јаз помеѓу скептицизмот за точниот датум на влез и уверувањето дека членството ќе донесе економски придобивки.
Разделени прогнози за членството Граѓаните се поделени околу времето кога Македонија би можела да стане дел од ЕУ:
- 21% очекуваат членство до 2035 година;
- 11% до 2040 година;
- 15% се најголеми оптимисти, верувајќи дека земјата ќе влезе во ЕУ до 2030 година.
Економски прагматизам над скептицизмот И покрај разочарувањето од долгиот процес на интеграција, граѓаните сеуште гледаат економска корист во членството:
- 62% сметаат дека членството ќе донесе економски бенефит;
- 9% мислат дека тоа би било лошо;
- 27% имаат неутрален став.
Регионална слика: Албанија и Косово водат по поддршка На ниво на Западен Балкан, поддршката за ЕУ пораснала на 64% (од 54% во 2024 година). Најголеми евроентузијасти се:
- Албанија: 86% поддршка
- Косово: 78% поддршка
И покрај тоа, благо опаѓа бројот на оние кои мислат дека проширувањето „никогаш нема да се случи“ – од 18% на 17%.
Аларм за младите: подготвени за иселување Истражувањето открива дека 68% од младите во Западен Балкан размислуваат за заминување во странство:
- 34% планираат трајно иселување;
- 34% би заминале привремено;
- Само 29% ја гледаат својата иднина дома.
За споредба, кај општата популација, 59% сакаат да останат во татковината.
Главни грижи на граѓаните
- Цените и инфлацијата загрижуваат 66% од граѓаните;
- Општата економска ситуација – 44%;
- Корупцијата – 35%.
Што се однесува до регионалната соработка, како главни кочници се посочуваат:
- Недоверба поради историските прашања – 38%;
- Националистичка политика – 37%.
Ова истражување јасно ја покажува поделбата меѓу скептицизмот околу процесот на интеграција и економската надеж, како и сериозните демографски и социјални предизвици со кои се соочува Македонија и целиот Западен Балкан.
