Ова е приказната за Жана Калман, Французинка која не само што влезе во историјата како најдолговечната жена на светот, туку и живееше живот каков што ретко кој може да замисли – исполнет со дух, хумор и неверојатни случки. Таа живееше 122 години и 164 дена, поставувајќи рекорд што и ден-денес не е официјално соборен.
Жена од друго време – со сведоштво за епохи
Жана се родила во 1875 година во градот Арл, Франција, во семејство од средна класа. Таа видела како се менува светот, од појавата на електричната енергија до создавањето на интернетот. Имала само 8 години кога Едисон ја измислил сијалицата, а на 14 – била сведок на изградбата на Ајфеловата кула.
Како млада девојка се омажила за свој далечен роднина, а еднаш дури и го сретнала Винсент ван Гог – за кого рекла дека бил „валкан, мрачен и лошо облечен“.
Не само долга, туку и возбудлива старост
На 85 години – започнала да се занимава со фехтување, а возела велосипед дури и на 100 години! На 115 години добила филмска улога, а на 121 година настапила во мјузикл!
Со нејзиниот препознатлив хумор, знаела да каже:
„Имам само една брчка – и седам на неа!“
Тајната на долгиот живот? Љубов кон виното и… ништо работа!
Жана пушела сè до 117-та година, но престанала – не поради здравје, туку затоа што веќе не ѝ било интересно. Ја обожавала лутина храна, и не ја криела љубовта кон виното. Знаела да изјави:
„Заљубена сум во црвеното вино!“
Но најголемиот шок доаѓа кога ја прашале која е тајната на нејзината долговечност:
„Можеби затоа што никогаш не сум работела!“
Договор од соништата – или од кошмарот?
На свои 90 години, склучила необичен договор со адвокат – тој ќе ја наследи нејзината куќа, ако ѝ плаќа месечна рента додека е жива. Сметал дека таа нема да живее уште многу. Но таа живеела уште повеќе од 30 години!
Адвокатот умрел пред неа, а обврската за плаќање ја презела неговата сопруга. Судбината се пошегувала – и повторно во корист на Жана.
Жена што го надживеа времето
Во текот на нејзиниот живот, Франција сменила 17 претседатели, а таа останала непроменета – исто енергична, духовита и независна. Иако во последните 7 години од животот се движела потешко поради повреда, умот ѝ бил бистар до крај.
На шега, ѝ рекле:
„Ќе се видиме следната година!“ А таа одговорила: „Зошто да не? Не изгледаш толку лошо!“
Нејзините зборови остануваат во историјата
Жана зад себе остави вистински бисери:
- „Младоста е состојба на духот, не на телото.“
- „Никогаш не носам маскара – премногу се смеам.“
- „Ако не можеш да го промениш тоа – не се секирај.“
- „Ми се чини дека ќе умрам од смеа.“
Икона, не само на долговечноста – туку на радоста!
Жана Калман почина во 1997 година, но остана вечен симбол на животна сила, хумор и љубов кон секој ден. Нејзиниот живот е доказ дека не е важно само колку живееш – туку како живееш.
