Срцевиот удар не мора секогаш да започне со класична силна болка во градите. За многу луѓе, особено за жени, постари лица и оние со хронични заболувања, првиот знак може да биде неочекуван – болка во вилицата, вратот, рамото или левата рака, без никаква непријатност во градите.
Причината е што кога срцето не добива доволно кислород, сигналите од него понекогаш „патуваат“ во други делови од телото. Мозокот може погрешно да ги интерпретира овие сигнали, па болката се чувствува на места каде што најмалку се очекува – во вилицата, вратот или рацете.
Жените се особено склони кон атипични симптоми. Наместо класична болка во градите, тие може да чувствуваат:
- Притисок или болка во вилицата
- Забоболка
- Така болка во рамото или вратот
Постарите лица и лицата со дијабетес често ги игнорираат овие знаци, мислејќи дека се резултат на замор, стрес или напнатост.
Ако ненадејно почувствувате необјаснива болка над половината – без разлика дали е во вилицата, вратот, рамото или раката – и имате фактори на ризик како висок крвен притисок, дебелина или пушење, тоа може да биде предупредување дека вашето срце страда.
Важно е да се запамети дека болката во вилицата не секогаш значи срцев удар – таа може да биде предизвикана и од проблеми со забите, мускулите или ‘рбетот. Сепак, ако се појави ненадејно и без очигледна причина, најдобро е веднаш да се консултирате со лекар.
