Кога станува збор за чистење на фрижидерот, многумина веднаш помислуваат на големо средување, вадење на сите производи и долго чистење. Но, токму еден дел што најчесто останува занемарен може да биде најголем извор на нечистотија и ризик за храната.
Станува збор за фиоката за овошје и зеленчук, место кое на прв поглед изгледа безопасно, но во пракса често собира најмногу нечистотии. Причината е што овошјето и зеленчукот најчесто се ставаат внатре без претходно миење, за да не се расипуваат побрзо. Така, со текот на времето во фиоката се таложат остатоци од земја, влага, ситни нечистотии и бактерии што можат да влијаат врз хигиената на целата внатрешност.
Иако многу луѓе темелно го чистат фрижидерот само повремено, оваа фиока може да се среди брзо и лесно, без голема подготовка. Доволно е да се извади, да се тргнат намирниците, да се измие со топла вода и средство за миење или да се пребрише со раствор од вода и оцет, а потоа добро да се исуши и врати назад.
Токму оваа едноставна навика може да направи голема разлика. Со редовно чистење на фиоката за овошје и зеленчук, не само што се одржува подобра хигиена во фрижидерот, туку се намалува и ризикот од ширење бактерии врз останатата храна.
Мал чекор, но важна навика што може значително да придонесе храната да остане посвежа и побезбедна за употреба.
