Според најновиот извештај на швајцарската банка UBS, Швајцарија е на врвот на листата на земји со најголемо богатство по глава на жител – со просечни 690.000 долари. На второ место се наоѓаат САД со 620.000 долари по жител, а по нив следуваат Хонг Конг, Австралија, Данска, Сингапур, Холандија, Норвешка, Белгија и Обединетото Кралство.
Иако богатството е просечно, супермиллионерите значително го креваат овој број. Без нив, швајцарскиот просек паѓа на околу 180.000 долари. Голем удел во водството на Швајцарија има и растечкиот број богати странци – посебно Американци, чиј интерес за живеење таму е зголемен за 200% во изминатата година.
САД и понатаму имаат најголем број милионери, а UBS предвидува дека богатството во земјата ќе расте по стапка од 4,5% годишно. До крајот на деценијата, светот ќе добие уште пет милиони нови милионери, со што богатството сè повеќе ќе станува глобален тренд, а титулата „милионер“ – помалку ексклузивна.
