Хакерската група „Предатори Спароу“, позната по целни напади врз Иран, изврши спектакуларна кражба на 90 милиони долари од најголемата иранска крипто-платформа – Нобитекс. Средствата се префрлени на дигитална адреса од која не можат да бидат вратени, ефективно избришувајќи го целиот износ, пренесува Би-Би-Си.
Групата, која себеси се нарекува „хактивистичка“, се повторно појави по повеќе од година неактивност, непосредно по ескалацијата меѓу Израел и Иран. Тие го објавија нападот преку Телеграм и X (поранешен Твитер), тврдејќи дека Нобитекс е алатка на иранскиот режим за финансирање тероризам и заобиколување на меѓународни санкции.
Дополнително, хакерите тврдат дека ден претходно извршиле напад и врз државната Банка Сепах. Тие најавија дека ќе го објават изворниот код и внатрешните податоци на Нобитекс во рок од 24 часа, предупредувајќи дека и преостанатите средства на платформата се под сериозна закана.
„Предатори Спароу“ се најпознати по хакерскиот напад во 2022 година, кој предизвика пожар во иранска челичарница – еден од ретките случаи каде сајбер-напад довел до физичка штета и опасност по животи.
