Кога првпат се појави на сцената на „Ѕвездите на Гранд“, сите беа воодушевени – и со неговиот глас и со неговиот изглед. Македонецот Ристе Ристески од Охрид важеше за еден од најзгодните натпреварувачи во историјата на шоуто, а неговиот шарм ја освои дури и Јелена Карлеуша, која во живо му порача: „Македонскиот јазик е толку секси!“.
Ристе во 2017 година ја освои титулата победник во „Ѕвездите на Гранд“, а по триумфот некое време живееше во Белград, пред да се врати во родниот Охрид. Сними неколку хитови, а иако направи пауза за време на пандемијата, денес повторно настапува низ клубовите во Македонија.
И по осум години од победата, Ристе изгледа во топ форма – ретко објавува фотографии, но секогаш кога ќе го направи тоа, предизвикува бура од коментари и лајкови. Жените и понатаму се „луди по него“, а пејачот признава дека често добива пораки со „скокотливи содржини“, но секогаш останува културен и пристоен.
Тој и денес важи за еден од најзгодните пејачи од Македонија, а многумина го споредуваат со Саша Ковачевиќ – и по изгледот и по стилот на настапување. „Се трудам да бидам професионален и да не дозволам славата да ме промени“, изјави Ристе, кој со секој настап потсетува дека талентот и шармот не избледуваат со времето.
