Научниците направија значаен пробив во истражувањата за стареењето на крвните клетки. Матичните клетки во коскената срцевина, кои создаваат нови крвни клетки неопходни за имунитетот и здравјето, со текот на годините стануваат помалку ефикасни, што доведува до ослабување на имунолошкиот систем и зголемен ризик од болести како анемија и рак.
Клучот е во лизозомите – мали „центри за рециклирање“ во клетките. Истражувањето спроведено на Медицинскиот факултет Икан и Универзитетот во Париз Сите откри дека старите матични клетки имаат нефункционални лизозоми кои ја нарушуваат нивната работа.
Со употреба на хемикалијата конканамицин А, научниците успеале да ги стабилизираат лизозомите и да ги „подмладат“ клетките. Кога таквите подмладени клетки биле вратени кај глувците, нивната способност за производство на нови крвни клетки се зголемила за дури осум пати. Старите клетки почнале да функционираат како млади – подобро се регенерирале и ја одржувале имунолошката функција.
Истражувачите веруваат дека овој пристап би можел да биде применет и кај луѓето, особено за трансплантации на матични клетки или третмани за крвни и имунолошки нарушувања поврзани со стареењето.
„Стареењето на крвните матични клетки не е неповратна судбина“, вели биологот Саги Гафари. „Таргетирањето на лизозомите може да го подобри здравјето на матичните клетки и да го врати нивниот регенеративен потенцијал.“
Ова истражување го отвора патот кон револуционерни третмани за крв и имунолошки систем, а резултатите се објавени во престижното списание Cell Stem Cell.
