Српскиот пејач Сања Ковачевиќ, иако неодамна имал операција на ногата, не дозволил повредата да го спречи да застане пред својата публика. Само три недели по хируршката интервенција тој одржал концерт во Мајданпек, и покрај тоа што, како што пренесуваат српските медиуми, трпел силни болки во текот на настапот.
Поголемиот дел од концертот пејачот го поминал седејќи на стол, бидејќи поради опоравувањето сè уште носел лонгета. Сепак, решил да не го откаже настапот и да ги испочитува обожавателите кои дошле да го слушаат во живо.
Публиката го поздравила со голема поддршка, а неговиот настап брзо стана тема на социјалните мрежи поради одлуката да пее и покрај болките и периодот на рехабилитација.
Во меѓувреме, Сања Ковачевиќ се подготвува и за една од најубавите животни улоги. Пејачот неодамна откри дека наскоро ќе стане татко и дека со голема радост го очекува доаѓањето на своето прво дете.
Тој изјавил дека последниве месеци поминува многу време со сопругата Зорана и дека со нетрпение ги следи сите моменти од нејзината бременост, додека подготовките за бебешката соба треба да започнат во наредниот период.
