Во северот на Европа се отвори една од најнеобичните сообраќајни рути во светот. Во Estonia, поради екстремно ниските температури, повторно е активиран таканаречениот „леден пат“ што ги поврзува островите Saaremaa и Hiiumaa. Наместо мост или траект, возачите поминуваат околу 20 километри директно преку замрзнатото море.
Овој необичен пат беше официјално отворен откако жителите почнаа самостојно да се движат по мразот, ризикувајќи ја сопствената безбедност. Со оглед на тоа што траектниот сообраќај беше отежнат поради температури кои се спуштаа и до минус 10 степени, властите решија да воспостават контролирана и безбедна маршрута.
Но, возењето по мраз има строги правила. Дебелината на мразот мора да биде најмалку 24 сантиметри, а експертите ја проверуваат на секои 100 метри. Патеката постојано се следи и се прилагодува според временските услови и стабилноста на мразот.
За жителите на помалиот остров Хију, кој брои околу 9.000 жители, оваа рута е клучна врска со поголемиот Сарема, каде живеат над 30.000 луѓе и од каде има пристап до копното. Освен практична потреба, „ледениот пат“ е дел и од локалната традиција – жителите со генерации се навикнати зиме да се движат по морскиот мраз.
Иако изгледа како сцена од филм, за Естонците ова е реалност што се повторува секоја зима кога природата ќе дозволи.
