Салма Хајек неодамна го прослави својот 60-ти роденден, а неколку дена по јубилејот привлече големо внимание на социјалните мрежи со фотографии од морето.
Мексиканската актерка, која наполни 60 години на 2 септември, на Инстаграм објави фотографии на кои плива и позира без костим за капење, додека водата го покрива нејзиното тело. Објавата ја придружи со кратката порака: „60 и благодарна“.
На една од фотографиите Хајек лежи во плиткото море и се смее, додека на друга се издигнува од водата со главата навалена наназад.
Актерката јубилејниот роденден го прославила и во друштво на семејството и блиските пријатели. Меѓу присутните биле нејзината ќерка Валентина Палома и Бу Куарон, ќерката на режисерот Алфонсо Куарон.
Дел од атмосферата од прославата бил споделен и на социјалните мрежи. Хајек учествувала во традиционалниот мексикански роденденски обичај „ла мордида“, при кој славеникот зема залак директно од тортата без да користи раце или прибор.
Салма Хајек го одбележува својот 60-ти роденден по речиси четири децении успешна актерска кариера. Меѓу нејзините најпознати улоги е онаа на Фрида Кало во филмот „Фрида“ од 2002 година, за која беше номинирана за „Оскар“.
