ПРВ.мк
Магазин

„МИ НУДЕШЕ СТАН И ПОРШЕ ЗА ДА МУ БИДАМ ДЕВОЈКА“: Памела Андерсон откри што ѝ предложил славниот холивудски актер!

„МИ НУДЕШЕ СТАН И ПОРШЕ ЗА ДА МУ БИДАМ ДЕВОЈКА“: Памела Андерсон откри што ѝ предложил славниот холивудски актер!

Познатата холивудска актерка Памела Андерсон открила дека на почетокот на деведесеттите години добила необична понуда од својот колега Силвестер Сталоне, кој, според нејзините тврдења, ѝ понудил луксузен стан и автомобил „порше“ во замена за љубовна врска.

Памела, која светската слава ја стекна со серијата „Чувари на плажата“, за ова искуство зборувала во документарецот на Нетфликс „Pamela, a Love Story“ од 2023 година, како и во своите мемоари.

Во периодот кога наводно се случил разговорот, таа била на почетокот на кариерата, додека Сталоне веќе бил голема холивудска ѕвезда.

Според нејзината верзија, актерот ѝ понудил стан и „порше“ доколку прифати да биде неговата „девојка број еден“.

Памела тврди дека веднаш го прашала дали тоа значи дека постои и „девојка број два“, по што категорично ја одбила понудата.

Таа раскажала дека Сталоне наводно ѝ одговорил дека тоа е најдобрата понуда што ќе ја добие во Холивуд.

„Сакав да бидам вљубена. Не сакав ништо помалку од тоа“, изјавила актерката, објаснувајќи дека материјалните работи никогаш не биле нејзин приоритет.

Сепак, претставникот на Силвестер Сталоне категорично ги демантирал нејзините тврдења.

Од неговиот тим соопштиле дека приказната е измислена и дека актерот никогаш не ги изговорил зборовите што му се припишуваат.

И покрај демантот, Памела останала на својата верзија.

За време на гостување во емисијата „Watch What Happens Live“, водителот Енди Коен ја прашал дали и понатаму стои зад кажаното.

„Како би можела да измислам нешто толку конкретно?“, одговорила актерката.

Таа нагласила дека ниту поскап автомобил не би ја променил нејзината одлука.

Иако двете холивудски ѕвезди имаат спротивставени верзии за наводниот настан, Памела останува на ставот дека вистинската љубов и почитта ѝ биле поважни од луксузот и скапите подароци.