Халима Сисе, мајката што го обори светскиот рекорд со најмногу родени и преживеани деца од една бременост, неодамна го одбележа четвртото годишно од раѓањето на нејзините девет прекрасни деца — деветорките од Мали. Заедно со својот партнер Абделкадер Арби, таа на Инстаграм сподели емотивни и ретки фотографии од бременоста и раѓањето, проследени со топли зборови на благодарност кон сите што ги поддржуваат.
На фотографиите се прикажани моменти од болничкиот престој, каде Халима, видно бремена, лежи опуштена, како и посебни слики од секое новороденче, при што може да се забележи и официјалниот сертификат од Гинисовиот рекорд. Првично, лекарите мислеле дека носи седум бебиња, но по префрлувањето во специјализирана болница во Мароко, откриено е дека се девет.
На 4 мај 2021 година, Халима ги родила деветте бебиња по царски рез на 30 недели гестациска возраст, при што новороденчињата имале тежина од 0,5 до 1 килограм. Ова се првите деветорки во светот кои успешно преживеале по раѓањето, што им донело светски рекорд.
Покрај деветорките, семејството има и една ќерка, Арби, која денес има шест години. Халима и Абделкадер изразија длабока благодарност кон јавноста, лекарите и медицинските тимови кои го следат и поддржуваат нивниот неверојатен животен пат.
