Австралискиот специјалист д-р Џон О’Брајан од клиниката Body Scan објави вознемирувачко видео со кое ги предупредува луѓето да не ги игнорираат невообичаените промени на кожата, бидејќи меланомот не мора секогаш да изгледа како темен младеж.
Во конкретниот случај, тој дијагностицирал исклучително агресивен нодуларен меланом кај пациент кој имал црвен, тврд израсток на раката – на прв поглед безопасен, но всушност станувало збор за еден од најсмртоносните облици на рак на кожа.
Зошто овој случај е алармантен?
- Туморот изгледал како обичен црвен израсток.
- Се развивал многу брзо, со дијаметар од само 4 мм.
- Бил тврд, испакнат и длабоко вкоренет.
- Под поларизирана светлина се забележале крвни садови во мрежеста структура, бели линии и дамки – типични за малигни формации.
Нодуларниот меланом е вториот најчест тип на меланом, најмногу се јавува кај луѓе помеѓу 40 и 50 години, и брзо се шири во подлабоките слоеви на кожата – што го прави особено опасен.
Не се потпирајте само на правилото ABCDE Иако најчестите знаци на меланом се:
- Асиметрија
- Bоја што се менува
- Cе неправилни рабови
- Dимензија (зголемување)
- Eволуција (промена со време) …лекарите предупредуваат дека опасните тумори не мора секогаш да ги покажат сите овие знаци.
Превенција и заштита Доброто е што до 90% од случаите на рак на кожа можат да се спречат. Најголемата причина е прекумерно изложување на сонце и УВ-зраци, особено од солариуми.
Затоа лекарите препорачуваат:
- Избегнување на сонце од 10 до 16 часот
- Носење заштитна облека и капа
- Употреба на крема со SPF 30 или повеќе, секојдневно
Пораката на д-р О’Брајан е јасна: „Ако забележите било каква нова промена на кожата – не ја игнорирајте. Побарајте мислење од лекар.“
