Феноменот „Лабубу“ не запира – популарните играчки, кои првично станаа хит како привезоци за чанти, сега влегуваат во светот на високата мода. Нивниот автор, хонгконшкиот уметник Касинг Лунг, ја оствари својата прва соработка со западен луксузен бренд – француската куќа „Мона“ („Moynat“).
Новата колекција претставува чанти и куфери украсени со ликовите на Лабубу и неговите „чудовишни“ браќа и сестри – Зим и Крал Мона. Освен тоа, во линијата се вклучени и кожни чанти, држачи за пасоши и мали модни додатоци.
Лунг, кој го создаде Лабубу во 2015 година инспириран од нордиски фолклор, истакнува дека целта на проектот отсекогаш била раскажување приказни преку неговите илустрации. „Сакам моите слики да живеат на модни парчиња – тоа е начин да раскажувам приказни без зборови“, вели уметникот.
Иако Лабубу е одамна култна фигура во Азија, соработката со „Мона“ го позиционира во нова, глобална димензија – како мост меѓу уметноста, поп-културата и луксузната мода.
Светските медиуми пренесуваат дека интересот веќе е огромен, а обожавателите на Лабубу со нетрпение ја очекуваат оваа нова модна приказна.
