По три години на врвот, Виена повеќе не е број еден! Данската престолнина Копенхаген официјално е прогласена за најдобар град за живеење во светот за 2025 година, според новата листа на Economist Intelligence Unit.
Копенхаген блесна со совршени оценки за стабилност, инфраструктура и образование, симнувајќи ја Виена на второто место, заедно со Цирих. Еве ги топ 10 градови за живеење оваа година:
- Копенхаген, Данска
- Виена, Австрија
- Цирих, Швајцарија
- Мелбурн, Австралија
- Женева, Швајцарија
- Сиднеј, Австралија
- Осака, Јапонија и Окленд, Нов Зеланд
- Аделаида, Австралија
- Ванкувер, Канада
Жителите на Копенхаген велат дека живеат во сигурен, чист и еколошки свесен град, совршен за семејства и патувања, со пријателска атмосфера и рамнотежа помеѓу плата и трошоци.
Зошто Виена падна? Според анализата, неколку инциденти, вклучително и закана со бомба на концерт на Тејлор Свифт, влијаеле врз нејзиниот резултат за стабилност.
Се чини дека во 2025 – Копенхаген е новиот сон за живеење!
