Јелена Карлеуша синоќа настапила во преполн белградски клуб, а посебно внимание привлекло присуството на нејзиниот поранешен сопруг Душко Тошиќ.
Тошиќ на настапот дошол заедно со нивните ќерки, а вечерта донела момент кој веднаш станал тема на социјалните мрежи.
Иако по разводот нивните односи извесен период не биле најдобри, во последно време се забележува промена. Поранешниот фудбалер неодамна присуствувал и на роденденот на Карлеуша, а сега дошол и да го следи нејзиниот настап.
Во еден момент Јелена јавно му се обратила на Душко и му ги посветила емотивните песни „Tihi ubica“ и „Sad je sve okej“.
Според српските медиуми, Карлеуша пеела видно емотивно, додека Душко од публиката ѝ испратил знак со срце.
Снимките од моментот брзо се прошириле на социјалните мрежи, каде што дел од фановите почнале да шпекулираат дека меѓу поранешните сопружници сè уште постојат емоции.
