Скопското Кале, едно од највредните историски обележја на Скопје, конечно добива заслужено внимание. По години на занемарување, Министерството за култура започнува сериозна иницијатива за негова обнова и активирање.
Во изјава за јавноста, министерот за култура истакна:
„Работиме и на Скопското Кале, симболот на градот Скопје, кое за жал беше заборавено во изминативе 7 години. Поради целосната негрижа, Управата за заштита на културното наследство изработи технички преглед со предмер пресметка за санација на објектите планирани како музеј на праисторискиот и музеј на отоманскиот период, за кои се потребни дополнителни 8.000.000 денари кои ќе бидат обезбедени со ребаланс на буџетот, а нивното ставање во употреба очекуваме да биде во последниот квартал од годината. Она што сакам да најавам е дека следната недела ќе се одвива голема акција за чистење и средување на Калето.“
Целата изјава може да ја погледнете во видеото подолу, кое ја пренесува посветеноста и конкретните планови на министерот за враќање на Калето на културната мапа на главниот град.
Обновата на Калето е чекор напред кон заштита и промоција на нашето културно наследство – и доказ дека кога има волја, има и резултати.
