Иранскиот претседател Масуд Пежешкијан во ексклузивно интервју за Такер Карлсон откри дека Израел направил обид да го ликвидира, но планот бил откриен и не бил успешен.
Пежешкијан рече дека обидот за атентат се случил за време на состанок на кој иранските претставници расправале за идните стратегии и планови. Израел, со помош на американските разузнавачки служби, се обидел да ја бомбардира областа каде се одвивал состанокот, но благодарение на информациите од иранските разузнавачки служби и нивните шпиони, нападот бил спречен на време.
„Да, тие се обидоа, постапија соодветно, но не успеаја“, истакна претседателот.
Тој не даде конкретни детали за времето и локацијата на инцидентот, но подвлече дека како верник верува дека животот и смртта се во рацете на Бог.
Пежешкијан нагласи дека не се плаши да се жртвува за својата земја и го изрази сомнежот дали насилството во регионот некогаш ќе доведе до траен мир.
Ова интервју ја откри суровата реалност на тензиите и опасностите што ја опкружуваат Иран и поширокиот регион.
