Вчера вечерта во Струмица беше запален автомобил кој јавноста го поврзува со поранешен инспектор од Министерство за внатрешни работи, а инцидентот се случи во близина на поранешниот објект „Симпо“.
Пожарот го зафати предниот дел од возилото, кој целосно изгоре, а на местото веднаш интервенираа противпожарни екипи.
Надлежните служби извршија увид, а истрагата е во тек. Засега официјално не се соопштуваат причините за пожарот, но во јавноста се појавија сомнежи дека пожарот можеби бил подметнат.
За целосно расветлување на настанот, ќе се анализираат снимките од надзорните камери во околината, со цел да се утврди точниот тек на настанот и евентуалното постоење на кривично дело. МВР најавува дополнителни детали во текот на следните денови.
