На полноќ во Лавов, западна Украина, неколку рачно изработени експлозивни направи детонирале, при што загинала 23-годишна полицајка, а 24 лица се повредени, соопшти украинската полиција, пренесува „Ројтерс“.
Првата експлозија се случила откако полициска патрола пристигнала на пријавено кривично дело – провала во продавница, додека втората експлозија следела кратко потоа, по пристигнувањето на втора полициска екипа.
Градоначалникот на Лавов, Андриј Садови, нападот го оценил како терористички чин, при што биле оштетени патролно и цивилно возило.
Украинските власти истакнуваат дека истрагата е во тек и дека експлозиите биле намерно подметнати, со што го потврдуваат терористичкиот карактер на инцидентот.
