Несекојдневна сообраќајна несреќа се случила во саботата наутро во местото Пишкоровец, во северниот дел на Хрватска, кога автомобил се забил во семејна куќа и го пробил надворешниот ѕид.
Според информациите што ги објави хрватскиот портал „Емеѓимурје“, возилото со голема сила удрило во објектот, при што бил оштетен дел од куќата, а автомобилот навлегол во просторот на дневната соба.
И покрај сериозноста на несреќата, за среќа, нема повредени лица.
На местото на настанот била причинета материјална штета, а фотографиите и видеоснимките објавени на социјалните мрежи го прикажуваат оштетениот објект.
Полицијата соопштила дека пријавата за несреќата ја добила околу 9:11 часот, по што полициски службеници веднаш излегле на терен.
Засега не е познато што довело до губење на контролата врз автомобилот и ударот во семејната куќа.
Полициските екипи вршат увид за да ги утврдат точните околности под кои се случила несреќата.
Повеќе информации се очекуваат по завршувањето на полициската истрага.
Видео:
