Во Велика Градишка завладеа тага откако 46-годишната А.Ч. им подлегна на тешките повреди, десет дена по трагедијата во која, според сомнежите на истражните органи, во неа пукал нејзиниот брат Б.К. (39), припадник на граничната полиција.
Во истиот трагичен настан животот го загубиле и нејзиниот 48-годишен сопруг С.Ч. и нивната 19-годишна ќерка Ј.Ч., додека 70-годишната свекрва на А.Ч. била тешко повредена. Осомничениот брат по нападот извршил самоубиство.
А.Ч., која работела како фризерка, по пукањето била пренесена на лекување со тешка прострелна повреда на главата. Лекарите десет дена се бореле за нејзиниот живот, но таа на крајот им подлегнала на повредите.
Веста за нејзината смрт предизвикала бројни реакции во Велика Градишка, а пријатели и познаници се простуваат од неа преку социјалните мрежи.
Во една од прошталните пораки нејзини блиски ја опишале како човек на кој секогаш можело да се смета и кој бил покрај нив и во убавите и во најтешките моменти.
„Почивај во мир, сега си со своите. Нека ве чуваат ангелите“, се наведува во една од емотивните пораки.
Пријатели објавиле и заедничка фотографија од А.Ч., нејзиниот сопруг и нивната ќерка, со порака дека семејството засекогаш ќе остане во нивните сеќавања.
Трагедијата се случила кон крајот на август. Според досегашните информации, Б.К. најпрво пукал во својата сестра, а потоа отишол во куќата во која таа живеела со семејството. Таму, според сомнежите, ги застрелал нејзиниот сопруг и нивната 19-годишна ќерка, а ја ранил и мајката на нејзиниот сопруг.
По нападот, Б.К. извршил самоубиство.
Со смртта на 46-годишната жена, трагедијата доби уште потежок епилог – таа почина само десет дена
