СВР Струмица поднесе кривична пријава против Ѓ.З. (53) од село Добрејци, струмичко, поради сомнение дека извршил кривично дело „малтретирање во вршење на службата“ по член 143 од Кривичниот законик.
Инцидентот се случил на 15 октомври 2025 година, за време на инспекциски надзор во основното училиште „Маршал Тито“ во Муртино. Пријавата наведува дека инспекторот вршел психичко насилство врз наставничка, вршејќи притисок таа да напише изјава според неговите насоки. Кога наставничката поднела изјава која не одговарала на неговите барања, инспекторот ја одбил и ја фрлил во ходникот.
Случајот е пред Основното јавно обвинителство во Струмица, кое ќе ја утврдува одговорноста на инспекторот.
