Во липковскиот регион се појави огромна пукнатина во земјата која предизвика сериозна паника кај локалното население. Снимките објавени покажуваат длабок и широк расцеп кој се протега низ земјиштето и претставува директна закана за куќите и инфраструктурата во близина.
Свлечиштето веќе предизвикува материјална штета, а жителите стравуваат дека ситуацијата може дополнително да се влоши доколку не се преземат итни мерки.
Локалните власти и надлежните институции се повикани да реагираат што е можно побрзо за да го стабилизираат теренот и да спречат потенцијална катастрофа. Граѓаните во меѓувреме бараат заштита и јасни инструкции за тоа како да постапат доколку пукнатината продолжи да се шири.
