Неговото семејство откри дека трагедијата добила уште поболни размери, откако свршеницата на Кристијан, со која очекувал дете, ја изгубила бременоста по неговата смрт.
Како што пренесува „Јутарњи лист“, семејството тврди дека настаните оставиле тешки последици врз сите негови членови, поради што дел од нив морале да побараат и лекарска помош.
Блиските на Кристијан наведуваат дека тој не покажувал агресивно однесување при интервенцијата на итната медицинска помош и полицијата, туку соработувал со службите.
Според нивните тврдења, Периш и седум години претходно престојувал во истата психијатриска установа, каде што наводно бил изложен на физичко насилство.
Во меѓувреме, поради неговата смрт се уапсени четворица медицински техничари, осомничени за тешко убиство. Судот им определил едномесечен истражен притвор.
Особено важен доказ во истрагата е видеоснимка на која, според објавените информации, се гледа како медицинскиот персонал употребува физичка сила врз пациентот додека тој е врзан за болнички кревет.
Кај починатиот биле утврдени и скршеници на ребрата, а точната причина за смртта сè уште не е конечно утврдена.
Истрагата продолжува, додека семејството бара да се утврдат сите околности и одговорноста за трагичниот настан.
