Пет лица биле лишени од слобода во Галичник откако полицијата при претрес во шаторите каде што престојувале пронашла повеќе видови материјали за кои постои сомнение дека станува збор за наркотични и психоактивни супстанции.
Од МВР информираат дека на 4 септември 2026 година, во периодот од 19:20 до 20:45 часот, во селото Галичник, на местото викано „Стопанче“, полициски службеници од ОВР Гостивар и Полициското одделение Маврово, во рамки на оперативна акција, лишиле од слобода пет лица.
Станува збор за А.Ј. (32), М.М. (38), К.С. (45) и В.В. (44), сите од Скопје, како и Р.Т. (38) од Куманово.
При претресот во шаторите каде престојувале лицата биле пронајдени и одземени повеќе пакувања со марихуана, бела прашкаста и грутчеста материја, халуциногени печурки, како и таблети.
Петмината биле задржани во Полициската станица Гостивар за понатамошна постапка.
Од МВР информираат дека по целосното документирање на случајот, против лицата ќе следува соодветен поднесок.
