Младич (26) настрада денеска во селото Деловце во општина Сува Рекa откако го погоди гром.
Веста ја потврди командантот на полицијата во Сува Река, Сафет Хоџа. Настанот се случил околу 17:30 часот.
„Одделението за итни случаи ја прими оваа информација од неколку жители на селото. Веднаш по приемот на информацијата, полициска патрола од полициската станица Сува Река, заедно со истражителите, се упати на лице место. Со оглед на тоа што инцидентот се случил во длабоко планинско подрачје, пристапот до местото бил отежнат“, соопштија од полицијата.
Според досегашните информации, младиот човек починал од удар на гром, а повеќе детали за околностите на несреќата засега не се соопштуваат.
