Четириесетгодишен скопјанец пријавил во полиција дека неговата поранешна вонбрачна партнерка не се грижела соодветно за нивните две малолетни деца, соопшти Министерството за внатрешни работи.
Случајот бил пријавен на 1 октомври во 18:05 часот во СВР Скопје. Според пријавеното, мажот изнел и сомневања поврзани со неговата малолетна ќерка, за која навел дека имала сексуален однос со малолетник со кого била во врска.
Во пријавата било наведено и дека мајката наводно била запознаена со ситуацијата и дозволила тоа да се случи.
За случајот бил известен Меѓуопштинскиот центар за социјални работи, а надлежните институции преземаат соодветни мерки за утврдување на сите околности и расчистување на настанот.
Од МВР не соопштуваат дополнителни детали, а наводите изнесени во пријавата се предмет на проверки.
