Вистинска драма се одвивала синоќа во Велес, откако избувнал пожар во кафеаната „Шкорпион“ на улицата „Никола Карев“.
Според информациите од Територијалната противпожарна единица Велес, пријавата била примена во 22:10 часот, по што на местото веднаш биле испратени две противпожарни возила и шест пожарникари-спасители.
По пристигнувањето било утврдено дека огнот избувнал во кујната на угостителскиот објект. Благодарение на брзата и професионална интервенција, пожарот бил ставен под контрола пред пламенот да ги зафати плинските боци кои се наоѓале во кујната, со што била избегната можна експлозија и многу поголема трагедија.
Пожарот бил целосно изгаснат за кратко време, а во интервенцијата нема повредени лица.
Од противпожарната служба апелираат граѓаните при забележување пожар веднаш да се јават на бесплатните телефонски броеви 112 или 193.
